RPT:
 
En 8 anos só unha RPT. Nestes período de tempo houbo épocas de bonanza económica onde se puideron executar modificacións que aproximasen as necesidades reais de persoal á Oferta de Emprego Pública.
 
No canto de proceder deste xeito optouse por camiños ben diferentes, externalizacións, incremento das ETT, convenios con outras administracións, utilización de bolseiros para a realización de traballos estruturais…. En definitiva déronse pasos que precarizaron aínda máis a situación herdada.
 
Hoxe, aprovéitase a situación de crise e a escusa do Plan de Sustentabilidade acordado coa Xunta para intentar limitar as aspiracións do colectivo. Non nos cola, o orzamento de 2010 prorrogouse neste 2011. No orzamento de 2010 estaba prevista a negociación dunha nova RPT e a aplicación da Transitoria II do Convenio. Onde foron a parar os cartos destinados a tal efecto?.
 
Por outro lado o Plan de Sustentabilidade (un decálogo de boas intencións polo que a Universidade se dota dun incremento adicional de arredor de 5 millóns de euros) non limita directamente a posibilidade dun incremento razoable da Relación de Postos de Traballo que evolucionarán segundo as “necesidades”.
 
Temos que insistir, tamén, noutro aspecto, a eliminación das ETT da Universidade só require dun cambio do diñeiro do Capítulo II ao Capítulo I do orzamento, os cartos xa están a disposición da Universidade.
 
A escusa á que se remite de xeito pertinaz a Universidade ten, ademais, un elemento discriminador. Esquecen, cando fan referencia a ese límite, que para algún outro colectivo da UDC non  lle foi de aplicación.
 
Polo camiño queda espalladas as súas promesas electorais (profesionalización da xestión…).
 
TRANSITORIA II.
 
O feito de que, en todo este tempo, non se plasmasen, de xeito intencionado, novas RPT ten un efecto en cadea. É preceptiva unha adaptación da Relación de Postos de Traballo ao establecido nesa cláusula do Convenio Colectivo, mentres que isto non suceda a Transitoria non vías de execución.
 
Levamos un ano mobilizándonos para que conseguir solucionar este punto sen éxito, a Universidade está xorda ás nosas reivindicacións, deixa pasar o tempo agardando que podrezan as nosas reclamacións.
 
Propostas feitas desde o Comité e consistentes en ir preparando os procesos de promoción para que, cando se aprobe a RPT, realizar as promocións inmediatamente caeron, tamén en saco roto.
 
Dentro deste punto, e sempre escudándose na situación económica e na falta de acordo ao ser rexeitada en asemblea, en xullo do ano pasado, a proposta de RPT a Universidade quere recuperar a “interpretación” restritiva da Transitoria, consistente en entender que a promoción só afecta ás conserxerías quedando sen a promoción debida tanto o vixiante, socorristas, os especialistas de oficios e correos e condutores. Todo un castigo por non tragar coas ETT, non renunciar á profesionalización e non aceptar un incremento raquítico da RPT.
 
OPOSICIÓNS E CURSOS DE FORMACIÓN:
 
A deixadez e marxinación do colectivo de PAS Laboral concrétase, tamén, en que a Oferta de Emprego do ano 2005 aínda non está  executada na súa totalidade.
 
Foi e segue a ser prioritario para nós rematar coa interinidade que nun elevadísimo grado (foi de máis da metade do PAS laboral) mina o colectivo estamos comprometidos, coa solución desta situación. Reclamamos da universidade, en múltiples ocasións, sen moito éxito, a axilidade necesaria para dar saída ás convocatorias e para a corrección das que teñen, ao noso entender, claras deficiencias na convocatoria (nalgunha categoría, temos que recoñecer que a culpa da non publicación de convocatoria non recae na Xerencia, sendo atribuíble á que non transmitimos, aínda, o temario alternativo para a súa valoración por parte da Universidade).
 
Ao respecto dos cursos de formación dicir que o compromiso da súa execución segue firme e que só non se farán no suposto de que o persoal afectado decline a súa realización.
 
 
ACUDE AS ASEMBLEAS:
 
DÍA 13 NA FACULTADE DE HUMANIDADES ÁS 11 HORAS
DÍA 14 ÁS 18 HORAS NA ESCOLA SUPERIOR DE NÁUTICA E MÁQUINAS.