Número 46 - 30 agosto 2010

COMO SE DEBE ACTUAR

Rematan as vacacións, volvamos á realidade.

Agardamos que o estrés posvacacional non afecte á Xerenta e ao Reitor. As cousas que quedaron pendentes antes da marcha seguen no seu sitio ao retorno.

O traballo é moito e quedan moitas cousas por facer.

Mentres que para o PAS Funcionario o camiño parece máis “engraxado”. O PAS Laboral é o que máis dificultade ten á hora de executar o calendario de actuacións acordado no seu momento coa institución.

Ir á noticia

UNIVERSIDADE

Gobernar abduce ao persoal?

Hai un dito que está na boca da xente: “se queres saber como é fulaniño, dálle un carguiño”.

Semella que desde que se conseguen os cargos e se ven as cousas “desde arriba” cambia a perspectiva.

Ir á noticia

LABORAL

Salgado descarta esforzos adicionais para reducir o déficit

O titular da prensa, matízase un chisco máis abaixo:

A vicepresidenta segunda di que os impostos directos, "deixando á parte Sucesións, son o IRPF e Patrimonio. E dentro de Renda, están as do traballo e as do capital. Se finalmente se fai un pequeno axuste será nalgún deles". Salgado engade que "neste momento, non está prevista ningunha reforma do Imposto de Sociedades" e que agora hai que dar certeza ás empresas sobre cal é o réxime fiscal que se aplica aos seus investimentos e actividade dentro e fóra de España.

Ir á noticia

LABORAL

Galicia ten a pensión media máis baixa do Estado

A Comunidade galega suma en agosto 443.927 xubilados cunha pensión media de 728,24 euros, o subsidio máis baixo do Estado.

Isto é síntoma de que os traballadores/as galegos/as temos os salarios máis baixos, comprobado, tamén, coas estatísticas, A media en Galicia é de 1.615 euros brutos por mes, 243 menos que a estatal e inferior en 546 ó madrileño, que é o máis elevado, indica un estudo realizado por Adecco.

Ir á noticia

LABORAL

O antigo Inem intervén só no 3% das colocacións deste ano

O Servizo Público de Emprego (antigo Inem) rexistrou 8.130.130 colocacións entre xaneiro e xullo e de todas elas os empregados públicos destas oficinas só intermediaron en 239.961 postos de traballo, o que supón o 2,9%. Só en xullo, con 3,9 millóns de parados rexistrados, as empresas publicaron 60.141 ofertas a través das oficinas públicas, das que quedaron inicialmente sen cubrir 7.751. Estes datos reflicten o papel residual dos servizos públicos de emprego.

No ano 2000 a porcentaxe de intermediación dos servizos públicos de emprego era do 16%, mentres que nos sete primeiros meses deste ano foi o 2,9%.

Ir á noticia

O MACHISMO MATA!

Outra muller asasinada. Hai que parar a masacre.

Na actualidade van 43 mulleres mortas no Estado español en 2010, cousa xa por si soa terrible, pero detrás quedan 24 orfos/as o que fai aínda máis tráxica a situación.

Está claro que algo ten que cambiar, coa inacción estase a dar por bo o número de mulleres mortas que cada ano producen os asasinatos machistas.

Ir á noticia

CONSUMO

As marcas brancas poden rebaixar ata un 30% o custo da 'volta ao cole'

As marcas brancas pode abaratar ata un 30% o importe da factura final do material escolar dos estudantes que encaran 'a volta ao cole'.

Ir á noticia

UNIVERSIDADE

Denunciada a convocatoria de probas selectivas para ingreso pola quenda libre na escala auxiliar (BOE do 10 de maio e DOG do 20 de maio)

Non se procedeu con esta denuncia como ca que se interpuxo, no seu momento, contra a convocatoria de auxiliares de servizo, daquela comunicouse por medio da páxina web da Universidade (en novidades), esta ocultouse. Polo que parece, nin toda a Xunta de Persoal tiña coñecemento deste feito.

Ir á noticia

NON Á XENOFOBIA!

Nativa ou estranxeira, a mesma clase obreira!

Vendéusenos a Unión Europea (UE) como a “casa de todos os europeos”, unha casa con moitos cuartos (habitacións), pero coas portas abertas para facilitar a comunicación, o coñecemento mutuo e, entre moitas máis bondades que postas na boca dos que as nomeaban non deixaban de ser tópicos, permitía o libre movemento, primeiro de capitais, máis tarde de cidadáns.

Maldita mentira, esa Europa sen fronteiras é unha falacia, unha farsa, o que de verdade se creou é a Europa dos mercadores e das mercadorías.

Ir á noticia

LABORAL

Científicos demostran que canto máis curtas son as vacacións, máis se gozan

Esta noticia non di quen pagou o estudo. A nós chéiranos que foi algún ministro/a do goberno de Zapatero preocupado por homologarnos a outros países.

Se non foi este ministro seguro que estará a tomar boa nota do dito estudo porque preocupado como está este goberno polo benestar dos traballadores/as nalgún momento o sacará da carteira para poñelo enriba dalgunha mesa e introducilo nunha reforma laboral que non ten final (comezou aló por xuño e cada semana introducen un elemento novo), esa que segundo eles tanto ben nos traerá aos traballadores que desagradecidos e manipulados non vemos as bondades dunha política que se articula sómente “pensando en crear postos de traballo”.

Ir á noticia

Hai que pararlles os pés

Cada pouco tempo, o goberno, ten unha “inspiración”, lástima que sexa sempre para recortar aínda máis os dereitos de traballadores/as, a última ocorrencia é a de reducir, dos 100 días actuais a un total de 30 días o período permitido aos parados/as para rexeitar cursos de formación e ofertas de emprego.

Deste xeito o Ministro de Traballo Celestino Corbacho, aproveitando a polémica social que crea o cobro do paro quere “criminalizar” a parados/as facéndoos culpables da situación de crise.